Mullers esperrecadas

Mullers esperrecadas ye un conchunto de relatos curtos en que asprotagonistas son mullers. Mullers que han sufierto violencia. Mullers que expresan sentimientos y emocions que l’autora sabe plasmar con delicau cudiau en o libro. Y lo fa fendo veyer a fuerza, l’empuixe y a deleria d’as mullers que encara que han partiu violencia han sabiu tirar entadebant y vivir a vida en un mundo an que l’amor, o sufrimiento, a educación y a sociedat se tambonan con os suyos sentimientos y pensamientos. Se combinan as descripcions d’entornos vitals con emocions personals como o miedo, a tristeza, a euforia y l’angunia. Pero siempre queda una purna d’esperanza y os relatos d’Estela nos fan veyer que en mar d’angunas y de violencia contra la muller, os sentimientos, a vitalidad y as ganas de vivir flotan en a superficie como un zuro d’esperanza.

• Autora: Estela Alcay
• Edita: Edicions Transiberiano
• Pachinas: 163
• Idioma: aragonés
• ISBN: 978-84-16825-36-3