Fillos d’as luengas. Misión multilingüismo

Fillos d’as luengas ye una novela d’espías, viaches, aventuras y amor que cuenta a historia de Sophie Messenger, una choven traductora d’Estaus Unius que tiene a misión de volar ta Bruselas y fer parte d’un gran congreso mundial. Allí, l’asasinato d’un famoso lingüista chaponés desembolica os acontecimientos que la levarán, chunto con o turco Tariq y o europeu Babel, dica a inmensa ciudat de Tokio, a on reviscolará os secretos d’una conspiración internacional.

Ista novela, fruito d’a reflexión sobre a importancia d’as luengas y d’un mundo en contina revolución, fa parte d’una linia de treballo en que a literatura en aragonés mira d’ir dellá d’os temas tradicionals y fer goyo a os lectors chovens en una sociedat más interconnectada. A descripción de lugars, sentimientos y personaches, a relación entre Sophie y Babel, a valor de l’amistat, a luita y a humildat debant de l’ambición d’un mundo capitalista y mego son os filos con que ye tricotada ista historia que nos amuestra que toz somos fillos d’as luengas.

• Autor: Santiago J. Paricio Martín
• Edita: Edicions Transiberiano
• Pachinas: 139
• Idioma: aragonés
• ISBN: 978-84-944444-2-5