El aragonés de Baixo Peñas

O retacule que ha sufierto l’aragonés en as zaguers decadas emplantilla una situación esmicazadera, dispar y a vegadas poco estudiada, que ufreix un mosaico de variedaz locals aparenment luenyanas entre ellas y deseparadas por zonas blancas an no n’i hai variedat reconoixida y tipificada. L’estudio fundo d’istas zonas, an a castellanización ye estada graniza pero encara i quedan fablants que conservan as estructuras y o vocabulario d’a luenga ye muito mayor y que as esferencias, a mida que s’estudia, s’alfonsa y se conoix de forma entegra l’aragonés, son menors y debidas en gran parti a la castellanización y a vegadas a l’isolamiento.

O conchunto de localidaz que s’estendillan en as baixans de Sierra Ferrera y o suyo puntón Peña Montañesa representa un modelo lingüistico muito uniforme y prauticament semilar a l’utilizau en a Fueba y as aldeyas más conservaderas de Sobrarbe, estando un puen d’a unión entre o chistabín y o fabano.

O present treballo ye o resultau de bels años d’investigazión en a zona de Baixo Peñas. Se i replega un amplo vocabulario y una descripción d’os prencipals rasgos foneticos, morfolochicos y gramaticals d’a zona. S’aconsigue asinas una alportación a o conoiximiento global de l’aragonés dende l’estudio d’una zona no investigada dica agora, an encara s’ha conservau un patrimonio lingüistico muito rico que reflexa a codesión y a unidat d’a luenga en os tiempos en que a esferra poblacional, cultural y lingüística no i eba encara arranau as nuestras redoladas perinencas.

• Autors: Fernando Blas Gabarda y Fernando Romanos Hernando
• Edita: Gara d’Edizions
• Pachinas: 140
• Idioma: castellano y aragonés
• ISBN: 84-8094-054-9