Aspectos morfosintácticos del belsetán

O present estudio ye una alportación t’o conoiximiento d’o belsetán, dialeuto de l’aragonés conservato en a Valle Bielsa, en metat d’o Pirineu aragonés. Con a replega de datos de caráuter oral, s’ha puesto engalzar a faina d’a clasificación d’os diversos elementos morfosintauticos d’a luenga propia d’a Valle Bielsa. Talment en uns pocos anyos no s’habría puesto fer ista interpresa, pos disgraciadament l’uso d’ista luenga se i troba cada vegada más enrinconau a las presonas grans, y, encara asinas, no en toz os casos. O suyo obchecto ye dar a conoixer a o publico interesau en cheneral, y a es propios belsetans en particlar, a riqueza d’ista modalidat lingüistica aragonesa, que se troba en periglo de perder-se finitivament. Atra pretensión d’iste estudio ye a de contrebuyir a un millor conoiximiento d’a reyalidat lingüistica de l’Alto Aragón -an sobrevive no guaire bien a luenga aragonesa esmicaza en bels dialeutos locals u comarcals- ta una millor ambista de conchunto d’os rasgos compartius con atros dialeutos d’a mesma luenga, sin escudiar as suyas carauteristicas propias, ta honra d’os estudiosos trestucaus por o futuro d’iste viello romance.

• Autors: Chabier Lozano Sierra y Ángel Luis Saludas Bernad
• Edita: Gara d’Edizions
• Pachinas: 180
• Idioma: castellano y aragonés
• ISBN: 84-8094-056-5