Ligallo de fablans de Zaragoza


O ser umán ye asaberlo más de rarizo que cualsiquier atro bicho d¹iste planeta. Asinas como as espezies eboluzionan (á millor, ta no desaparixer) y toz os indibiduos siguen o mesmo patrón, os umans parixe que queramos estar esferens unos d¹otris ta eboluzionar cadagún á o nuestro aire.

Lo granizo de a nuestra espezie ye a capabilidá de rispetar as esferens eboluzions de os nuestros debampasatos y de os nuestros contemporanios. A pena ye que no toz os indibiduos saben trobar ista informazión en a suya chenetica.

Fablans arrocla una clica de personas que de bez forman parti d¹ista soziedá rica en espezimens de toda mena.

Quiero pensar-me que aquí ganan os de o rispeto á la esferenzia, os que conoxen a istoria de o territorio en que i biben, os que no tienen intrés en bibir amán de os imperialistas culturals, os que esfienden todas as culturas en cheneral y as propias en particlar.

O nuestro discurso contina perén o mesmo, alto u baxo dende o pleistozeno: Cultura en aragonés. Anque a istoria que estudeamos seiga la de os benzedors, anque as lais no alcompañen, anque encara sintamos bergüeña por amostrar a nuestra lengua tarcual en ye, continamos terne danto tralla, prexinando cómo combenzer á o personal que mientres que no sintamos rispeto por lo nuestro nunca no seremos repetaus.

Me foi bruzes cómo os sozios d¹astí han barucau, s¹han matau a capeza t¹aconseguir que Fablans contine dende fa trenta añadas como referén mundial de o mobimiento d¹esfensa de l¹aragonés, mesmo en istos tiempos en que a soziedá en cheneral solo se muebe que por benefizios direutos.

Y asinas seguiremos, trenta u cuaranta añadas más, á pocas, dica que a ziudadanía aragonesa y o Gubierno d¹Aragón cudien y rispeten a nuestra cultura.

Chuan Chusé Baos. Presidén de Fablans Zaragoza.

 

 

 

Fotos