ESPOSIZIÓN 30º CABO D´AÑO
(24 Setiembre-22 Otubre)

Introduzion, istoria e contesto

Si no has bibiu 30 añadas en Fablans no lo te esplicaremos aquí. Ixo sí, podemos prebar d'amostrar-te qué barucaban, qué feban, cómo se dibertiban, cómo luitaban por una lengua que allora yera en o pior inte de a istoria. Por un costau, a zaguer chenerazión que eba bibiu en aragonés yera esleyita entre Zaragoza, Uesca u Barzelona, con lo que a tresmisión yera acotolata. A democrazia, lo muderno, lo nuebo amarguinaba la tradizión y os costumbres milenarios. Si no por os barrenaus que beniban de a Colla Chobenil que creyón Ligallo de Fablans de l'Aragonés en Zaragoza, o mobimiento por a esfensa de a nuestra lengua poderba estar muerto en iste inte.

Cuan naxió Ligallo de Fablans de l'Aragonés, plegaba d'aprebar-se o nuestro Estatuto d'Autonomía, en do se diziba que se protexerían as “luengas y modalidaz lingüisticas propias d'Aragón”, guaranziando a suya amostranza y o dreito de os fabladors á emplegar-las. Yeran intes d'ilusión y asperanza, “l'aragonés yera un quefer de toz” (encara en ye) y creyébanos que podríanos bier ixo de “l'aragonés ta la escuela”.

En 1987 se fazió en Uesca o “I Congreso ta ra normalización de l'aragonés”, en o que s'aprebón as normas graficas que se beniban emplegando alto u baxo dende l'año 1974. Por parti de Ligallo de Fablans i partizipón Francho Chusé Vicente (presidén), Antonio Serón y Roberto Serrano (secretaire).

Dimpués, en as añadas 90, plegarían as manifestazions granizas por l'autonomía plena, en as que a soziedá aragonesa demandaba estar una comunidá “de primera”, d'alcuerdo con a suya istoria y boluntá, reconoxendo-se tamién l'aragonés y o catalán como luengas propias y normalizando-se o suyo emplego.

A lai de carreteras de l'año 1998 establía que “a retulazión informatiba será bilingüe” y mesmo a lai de suzesions de 1999 premitiba “redautar os testamentos notarials en cualsiquier luenga u modalidá lingüística d'Aragón”. Ixe mesmo año de 1999, a lai de patrimonio cultural aragonés á la fin feba chustizia y nombraba l'aragonés y o catalán, diziendo que “son una riqueza cultural propia y abrán d'estar protexidas por l'almenistrazión”.

Sobrebuenas parolas y nomás que unas poquetas oras d'amostranza optatiba en cuatre escuelas de l'Alto Aragón ye tot que mos emos trobau dica güe. Entremistanto a luenga esmortezeba en os lugars, cuasi sin relebo chenerazional y en gran desbentalla debán de l'empente d'o castellán ofizial. En Zaragoza, sin dembargo, crexeba o numero de fabladors grazias á os cursos d'aragonés y s'estendillaba de bez a conzenzia y rispeto d'a soziedá por a suya cultura.

O 16 de mayo de 2009, zientos de presonas combocadas por a cordinadera “Aragón trilingüe” salíbanos enta la carrera ta desichir a igualdá de as tres luengas. Y o 22 d'abiento d'ixe año, dimpués de bella prebatina fallida, s'aprebaba a lai d'uso, protezión y promozión de as luengas propias d'Aragón. Una lai por tanto tiempo aguardada, encara que talmén no estase sufizién ta guaranziar a perbibenzia de l'aragonés en un inte más que cretico.

TRESTALLOS Y AUTIBIDAZ

Milenta de cosas granizas y chicotas han naxito entre as paretes de tantas siedes de Fablans. Atrás s'han pariu con Fablans como matrona y muitas tamién han contau con a colaborazión d'ista asoziazión.

Milenta más aduermen en calaxos y tozuelos.

Borinas, gambadetas y más
Carnabals
Cursos d'Aragonés
Charradas
Chuegos tradizionals
Diaples
L'aragonés en a carrera
Omenaches Arredol
Publicazions
Teyatro
Tronca de Nabidá

LIGALLO DE FABLANS DE L´ARAGONÉS
--------------------------------------------------------------------------------------------------------------------------------------

Sozios y amigos

En 1982 una colla de chobens se pensó que una asoziazión serba una buena ferramienta ta luitar por ideyas que lis trestucaban...

Mas..

L'aragonés en a carrera

Perén emos siu cosziens que, como dize Mallacán, “luita, sí, borina, tamién”. En primeras, la cosa yera fer bistero l’aragonés...

Mas...

Carnabals

Atra tradizión malmesa con o progreso y a fatería. Aragón ha zilebrato a suya fiesta ta rezibir a primabera...

Mas...

Cursos d'aragonés

Una de as primeras autibidaz de l’asoziazión estió l’amostranza de a lengua aragonesa...

Más »

Borinas, conziertos y Zincomarzadas

Flip, miembro fundador de La Orquestina del fabirol y dimpués en Ixo Rai!...

Más »

 

Teyatro

L’amostranza de lenguas se bale de o teyatro ta aprender, prauticar, adempribiar...

Más »

Os Diaples d´A Uerba


As trazas de dibertir-se antismás s'acotolón con o progreso y a migrazión. Toda una cultura...

Más »


Publicazions

Nunca no emos teniu afizión por a edizión, pero á bezes emos quiesto compartir con o mundo...

Más »

Omenaches Arredol

Si estásemos astí ta estar reconoxitos sozialmén íbanos daus. Pero de bez en bez amenistamos...

Más »